Koma diabetike: Kur mund të ndodhë dhe nga çfarë simptomash njihet kjo gjendje

Koma diabetike është një gjendje kërcënuese për jetën dhe një person që ka rënë në koma humbet vetëdijen, nuk mund të lëvizë ose të reagojë ndaj mjedisit

Koma diabetike është një gjendje kërcënuese për jetën që shfaqet te njerëzit me diabet që kanë nivele jashtëzakonisht të parregulluara të sheqerit në gjak.

Domethënë, ky komplikacion kërcënon kur dikush me diabet ka një nivel shumë të ulët të sheqerit në gjak (hipoglikemia) ose një nivel shumë të lartë të sheqerit (hiperglikemia).

Karakteristikë e kësaj gjendjeje është humbja e vetëdijes dhe shenjat e komës diabetike janë ndryshimi i gjendjes mendore, pamundësia për të folur, problemet me shikimin, përgjumja, dobësia, dhimbja e kokës dhe shqetësimi, transmeton Telegrafi.

Kur shfaqet koma diabetike?

Është e rëndësishme për njerëzit me diabet që të kontrollojnë rregullisht nivelet e sheqerit në gjak dhe të marrin medikamentet e tyre siç u përshkruhet nga mjeku i tyre.

Hiperglikemia ose hipoglikemia mund të shkaktojë një koma diabetike që kërkon ndihmë të menjëhershme mjekësore.

Mund të ndodhë gjatë një periudhe kur një nivel jonormal i sheqerit në gjak nuk zbulohet për ditë të tëra apo edhe javë.

Nëse e gjeni veten në shoqërinë e dikujt që ka nevojë për ndihmë për shkak të komës diabetike, telefononi menjëherë ndihmën e parë. Një person në koma diabetike është pa ndjenja dhe nuk mund të lëvizë ose të reagojë ndaj mjedisit. Mjekët na kujtojnë se koma mund të çojë në probleme afatgjata fizike dhe psikologjike.

Shkaqet e komës diabetike

Koma diabetike mund të shkaktohet nga niveli i lartë ose i ulët i sheqerit në gjak.

Sheqeri i lartë i gjakut ose hiperglicemia ndodh kur trupi nuk ka insulinë të mjaftueshme dhe ka shumë sheqer në gjak. Llojet e ndryshme të hiperglicemisë janë:

1. Ketoacidoza diabetike: E njohur si një situatë hiperglicemike emergjente që ndodh kur trupi shpërbëhet shumë shpejt yndyrat, trupi nuk mund ta përballojë këtë proces. Kur kjo ndodh, mëlçia konverton yndyrën në ketone, duke bërë që gjaku të bëhet acid. Ketoacidoza diabetike është më e zakonshme tek njerëzit me diabet të tipit 1, dhe më pak e zakonshme tek njerëzit me diabet të tipit 2.

2. Sindromi hiperosmolar diabetik (HHS): I njohur si sheqeri jashtëzakonisht i lartë në gjak pa ketone, konsiderohet si një ndërlikim që është më i zakonshëm tek pacientët që kanë diabet të tipit 2, është një gjendje që përfshin dehidratim ekstrem, glukozë të lartë në gjak dhe vigjilencë e zvogëluar.

Sheqeri i ulët i gjakut ose hipoglikemia ndodh kur trupi nuk ka glukozë të mjaftueshme. Nëse një person ka diabet, hipoglikemia ndonjëherë mund të jetë një efekt anësor i ilaçeve për diabetin. Glukoza është një faktor i rëndësishëm për trupin. Mëlçia lëshon glukozë, sipas nevojës, kur nivelet e sheqerit në gjak fillojnë të bien. Është gjithmonë e rëndësishme të konsultoheni me mjekun tuaj për të zbuluar shkakun e sheqerit të ulët në gjak.

Cilat janë simptomat e komës diabetike?

Mjekët endokrinologë theksojnë se është e dobishme të njihen simptomat si të komës hiperglicemike ashtu edhe të komës hipoglikemike, sepse ato ndryshojnë.

Shenjat e komës hiperglicemike

Para komës hiperglicemike, një person mund të ndjejë simptomat e mëposhtme të hiperglicemisë:

▪ Pamje e paqartë
▪ Dhimbje koke
▪ Lodhje ose dobësi
▪ Urinim i shpeshtë
▪ Uria dhe/ose etja e shtuar

Kur shfaqet një koma hiperglicemike, një person ndjen përgjumje që bëhet gjithnjë e më intensive, ndërsa simptomat e tjera janë:

▪ Dehidratimi
▪ Pulsi i ngadaltë
▪ Ketoza.

Kur shfaqet një koma hiperglicemike, një person zakonisht do të marrë terapi duke përfshirë insulinë, suplemente elektrolite si fosfati, natriumi dhe kaliumi, si dhe lëngje intravenoze.

Shenjat e komës hipoglikemike

Koma hipoglikemike mund të paraprihet nga simptoma të hipoglikemisë si:

▪ Vertigo
▪ Dridhja
▪ Vështirësi në të folur
▪ Frymëmarrje e shkurtër
▪ Uria
▪ Të përziera
▪ Ndjenja e ankthit ose e dobësisë.

Nëse një person bie në koma hipoglikemike, ai ndihet i ngjashëm me atë kur bëhet fjalë për të fikët:

Çfarë saktësisht duhet të bëni kur zbuloni se niveli i sheqerit në gjak është i lartë?

Këto simptoma shfaqen para se të humbni vetëdijen. Nëse nuk reagoni shpejt, dëmtimi i trurit është i mundur. Kur një pacient përjeton një koma diabetike për shkak të hipoglikemisë, zakonisht jepet glukagon. /Telegrafi/