Koeman lexon një deklaratë për media në konferencë për shtyp dhe largohet pa iu përgjigjur pyetjeve të gazetarëve

Trajneri holandez, Ronaldo Koeman, duket pran shkarkimit nga posti i trajnerit te Barcelona.

Ai ka kërkuar durim pasi që Barcelona është drejt rindërtimit të skuadrës pavarësisht krizës në të cilën gjenden.

Ai gjatë një konferencës për media, refuzoi që t’iu përgjigjet pyetjeve nga gazetarët.

Vazhdimisht ka pasur spekulime që trajneri i Barçës do të shkarkohet, por Koeman ka treguar që ka përkrahjen e klubit.

“Klubi më ka përkrahur mua si trajner në një situatë ku jemi duke u rindërtuar si ekip. Situata financiare e klubit është e lidhur me aktivitetet sportive, dhe e kundërta. Kjo do të thotë që ne si ekip duhet të vazhdojmë pa bërë investime financiare. Na duhet kohë”.

“Lojtarët që kemi sot mund të bëhen yje botërore në vitet e ardhshme. Duhet t’u japim mundësinë lojtarëve të rinj, sikurse kanë vepruar me Xavi dhe Andres Iniesta. Por na duhet që të kemi durim”, ka thënë Komean.

🗣 @RonaldKoeman: “We are counting on your support in these difficult times”. pic.twitter.com/80HPPM4cKs

— FC Barcelona (@FCBarcelona) September 22, 2021

Mediat në Spanjë kanë raportuar se trajneri holandez vendosi vet që t’i thoshte këto fjalë gjatë konferencës për media pa pëlqimin e krerëve të klubit. /Telegrafi/