Koeman flet për krizën financiare të klubit: E kemi ndihmuar Barcelonën duke i shkurtuar pagat, nuk e di nëse janë vonuar së fundmi

Ronald Koeman ka folur në konferencë para ndeshjes së Kupës së Mbretit ndaj Rayo Vallecanos që zhvillohet të mërkurën mbrëma, megjithatë ai u detyrua t’u përgjigjej pyetjeve në lidhje me gjendjen e rëndë financiare të klubit.

Raportet që dolën të hënën, konstatuan një borxh të përgjithshëm të Barcelonës prej 1.173 miliardë euro, ndërsa borxhi afatshkurtër është 730 milionë euro.

Trajneri i Barcelonës tha se këto janë periudha të vështira për klubin.

“Klubi po vuajnë financiarisht për shkak të COVID-19”.

“Barcelona gjithashtu vuan nga mungesa e turizmit. Të gjitha klubet mund të kenë shifra mjaft të këqija [financiarisht] tani. Jo vetëm tek ne”.

“Unë nuk i kam parë lojtarë të prekur shumë nga kjo çështje. Ne të gjithë e kemi ndihmuar klubin me uljen e pagave”, ka thënë fillimisht Koeman.

? LIVE ❗️
? Press conference
?️ @RonaldKoeman
? https://t.co/bbVNGXoMPq pic.twitter.com/s4ur8lMQzi

— FC Barcelona (@FCBarcelona) January 26, 2021

Trajneri holandez u pyet edhe për vonesat e pagave, por Koeman shtoi se nuk është dijeni të kësaj.

“Nuk e di nëse kjo është e vërtetë. Do të më duhet të pyes. Deri atëherë, nuk mund t’i përgjigjem kësaj pyetjeje”, nënvizoi ai. /Telegrafi/