Koeman beson se Barcelona të përmbysë rezultatin ndaj PSG-së: Asgjë nuk është e pamundur

Ronald Koeman është deklaruar për takimin e dytë ndaj Paris Saint Germainit në 1/8 e finales së Ligës së Kampionëve.

Barcelona ka pësuar humbje 4-1 në Camp Nou në muajin e kaluar, derisa do të shpresoj që t’i përmbysë shifrat.

Katalunasit do të jenë mysafir të PSG-së në duelin që zhvillohet nesër (e mërkure) nga ora 21:00 në Parkun e Princave dhe Koeman ka thënë se ata kanë besim se mund të realizojnë një rikthim në rezultat.

Lexo po ashtu Fat në fatkeqësi për Barcelonën: PSG konfirmon se Neymar nuk luan as në takimin e dytë

“Shpresoj të jetë më ndryshe se ndeshjen e parë dhe varet në mënyrën si nisim ndeshjen, në energjinë që vendosim për të bërë vështirë për kundërshtarin”, ka thënë strategu holandez.

“Ata ishin shumë klinik në ndeshjen e parë dhe ne duhet të jemi tani. Jemi skuadër që gjithmonë krijon shanse. Nëse jemi klinik, asgjë nuk është e pamundur”.

“Fitorja ndaj Sevillës na ka dhënë besim, edhe pse nuk mund ta krahasojmë përmbysjen ndaj Sevillas me këtë provë”.

Lexo po ashtu Barcelona publikon listën e lojtarëve të ftuar në takimin e dytë përballë PSG-së, mungojnë shumë lojtarë kyç

“PSG është e fortë dhe synon ta fitojë Ligën e Kampionëve. Duhet të kompletojmë paraqitjen që të rikthehemi”.

“Barcelona gjithmonë shkon për fitore dhe shpresojmë se do ta bëjmë të vështirë për ta”, ka shtuar më tej Koeman. /Telegrafi/

❝𝐍𝐨𝐭𝐡𝐢𝐧𝐠 𝐢𝐬 𝐢𝐦𝐩𝐨𝐬𝐬𝐢𝐛𝐥𝐞.❞
— @RonaldKoeman pic.twitter.com/zM2p7bw74b

— FC Barcelona (@FCBarcelona) March 9, 2021