Klinika në Shtip do të jetë baza për izolimin e të dyshuarve me coronavirus

Klinika e Sëmundjeve Infektive në Shtip do të jetë baza për të izoluar rastet e sëmura dhe të dyshuara me coronavirus në Maqedoni, informon Venko Filipçe, Ministri i Shëndetësisë, pas takimit që realizoi me Komisionin për sëmundje infektive.

Në të njëjtën kohë, u vendos që të testohen raste të dyshimta në Klinikat e Sëmundjeve Infektive në Shkup dhe në Kumanovë, pas ngritjes së nivelit të gatishmërisë për parandalim dhe trajtim me pacientë të mundshëm me coronavirus, për shkak të situatës së re në Lombardi, Veneto dhe Emilia-Romagna në Itali.

“Komisioni ka miratuar masa të reja parandalimi dhe ballafaqim me të sëmurit eventual, të cilat do të koordinohen më tej në takimin e sotëm me Qendrën për Menaxhim me Kriza në Ministrinë e Punëve të Brendshme, të caktuar për në orën 17:00.

“Përfundimet fillestare të statusit të Komisionit për sëmundje infektive ishin forcimi i kontrolleve në të gjitha vendkalimet kufitare dhe në dy aeroporte në vend”, njoftoi Filipçe./Telegrafi/