I kishte rënë telefoni nga xhepi, burri nga Katalunia u fut në skulpturën e dinozaurit për ta marrë – ngec brenda dhe humb jetën

Policia në Kataluni është duke hetuar shkakun e vdekjes së burrit që është gjetur në statujën e një dinozauri.

Besohet se burri i pafat kishte tentuar të marrë telefonin e tij mobil, dhe se kishte ngecur brenda skulpturës, transmeton Telegrafi.

Policia ishte telefonuar dhe me të dalë në vendin e ngjarjes në qytezën Santa Coloma de Garmene në afërsi të Barcelonës, kishin parë trupin e pajetë të burrit.

“Ata gjetën trupin e pajetë të burrit në këmbën e dinozaurit. Bëhet fjalë për një rast të pazakontë. Deri më tani nuk ka shenja të dhunës, por se burri kishte ngecur në këmbën e dinozaurit”, ka bërë të ditur policia.

Sipas zëdhënës së policia nuk ka dyshime se 39-vjeçari mund të jetë mbytur nga dikush. Gjithçka me sa duket ndodhi kur ai tentoi ta merr telefonin që i kishte rënë.

Ishte futur përmes kokës së dinozaurit dhe kishte mbetur i ngujuar brenda. Në anën tjetër është bërë e ditur se janë në pritje të rezultateve të autopsisë.

Mediat lokale raportojnë se ai kishte qëndruar brenda për disa ditë, dhe se familjarët e tij kishin raportuar në polici zhdukjen e tij vetëm pak orë para se të gjendej trupi i pajetë. /Telegrafi/