Kishin pesë fëmijë të tyre, çifti amerikan adopton edhe shtatë fëmijë të tjerë – pasi prindërit e tyre gjetën vdekjen pas një aksidenti me veturë

Një çift ka adoptuar shtatë fëmijë të moshës nën 16 vjeç të cilët i mbijetuan një aksidenti me makinë që vrau prindërit e tyre.

Pavarësisht se kishin pesë fëmijë të tyre, Pam dhe Gary Willis, nga Menifee, California, morën vendimin e jashtëzakonshëm për t’u ofruar shtatë të rinjve një shtëpi pasi lexuan për historinë e tyre prekëse në mediat sociale, përcjell Telegrafi.

Fëmijët, nga San Diego, California, kishin mbetur jetim në maj të vitit 2018 pasi makina e familjes doli nga autostrada duke vrarë babanë e tyre 42-vjeçar dhe nënën 31-vjeçare që pësuan dëmtime fatale.

Pa asnjë familjar për t’u kujdesur për ta, të katër vëllezërit dhe tre motrat u vendosën për birësim dhe rrezikuan të ndaheshin, por falë Pam, 49 vjeç dhe Gary, 52 vjeç, atyre iu dha një shans i dytë në jetë dhe u mirëpritën me dashuri në një shtëpi familjare.

Pam, një avokat, tha: “Kur pashë lajmet për fëmijët, kjo më trishtoi. Unë i shikoja dhe mund të shihja se kishin nevojë për një shtëpi përgjithmonë”. /Telegrafi/