Kina mund të goditet nga tri valë të reja të coronavirusit

Një zyrtar i lartë kinez i shëndetësisë beson se Kina po përjeton të parën nga tre valët e pritshme të infeksioneve me coronavirus gjatë këtij dimri.

Vendi po sheh një rritje të rasteve që nga heqja e kufizimeve më të rënda në fillim të këtij muaji.

Shifrat e fundit zyrtare duket se tregojnë një numër relativisht të ulët të rasteve të reja ditore, raporton bbc.

Megjithatë, ka shqetësime se këto shifra janë një nënvlerësim për shkak të një reduktimi të kohëve të fundit në testimin COVID-19. Qeveria raportoi vetëm 2,097 raste të reja ditore të dielën.

Rritja e tretë e rasteve do të zgjasë nga fundi i shkurtit deri në mes të marsit pasi njerëzit kthehen në punë pas festës.

Në përgjithësi, Kina thotë se më shumë se 90 për qind e popullsisë së saj është vaksinuar plotësisht. Megjithatë, më pak se gjysma e njerëzve të moshës 80 vjeç e lart kanë marrë tre doza të vaksinës. Të moshuarit kanë më shumë gjasa të vuajnë nga simptoma të rënda të coronavirusit.

Qeveria nuk ka raportuar zyrtarisht asnjë vdekje nga virusi që nga 7 dhjetori, kur kufizimet u hoqën pas protestave masive kundër politikës së saj zero-Covid. Kjo përfshinte një fund të testimit masiv.

Ndërkohë, qyteti më i madh i Kinës, Shangai, ka urdhëruar shumicën e shkollave që të zhvillojnë mësimin në internet ndërsa rastet po rriten. /Telegrafi/