Khedira: Sulmuesi më i miri Harry Kane

Gonzalo Higuain dhe Paulo Dybala nuk kanë arrit ta bindin Sami Khediran.

Mesfushori gjerman, Sami Khedira mendon se sulmuesi i Tottenham Hotspurs, Harry Kane është më i miri aktualisht në pozitën e tij.

Por, argjentinasit kanë mundësi ta demantojnë bashkëlojtarin në përballjen e së martës, ku Zonja e Vjetër do të ketë përballë “Gjelat” në kuadër të Ligës së Kampionëve.

“Kam përshtypjen se Kane mund të jetë sulmuesi më i mirë aktualisht. Tottenhamin e kam ndjekur shumë si ekip sepse ka një mbrojtje të pathyeshme dhe një repart mesfushe të klasit botëror”.

“Sulmi i tyre është i rrezikshëm. Gjatë përballjes me ta ne do të kërkojmë pikë në favorin tonë. Ne besojmë se do ta marrim këtë pikë duke parë që ata janë të rinj dhe pa përvojë në garë”.

“Spursat, gjithsesi mbeten një nga skuadrat më të mira në Angli dhe Europë, ndaj do të duhet t’i kushtojmë vëmendje”, tha reprezentuesi gjerman.

Ndryshe, 30-vjeçari deri më tani ka pasur 68 paraqitje për kampionët italian, ku ka shënuar 16 gola. /Telegrafi/