Këto janë tragjeditë nga sulmet me armë që kanë shoqëruar SHBA-të, vitet e fundit

Tragjedia e Orlandos është me rënda, por jo e vetmja në Shtetet e Bashkuara të Amerikës. Ja vrasjet masive nga 1999 dhe deri sot.

Tragjedia në lokalin e homoseksualëve në Orlando të Floridas është më e rënda sa i përket numrit të viktimave në historinë e Shteteve të Bashkuara të Amerikës, por nuk është e vetmja. Në fakt nga viti 1999 deri sot ka pasur një numër të madh masakrash që kanë tronditur botën.

20 prill 1999: Eric Harris 18 vjeç dhe Dylan Klebold 17 vjeç, nxënës të shkollës së mesme Columbine në Denver të Kolorados hapin zjarr dhe vrasin 12 moshatarë të tyre dhe një mësues. Më pas vrasin edhe veten.

21 mars 2005, masakër në Minesota: Një 16 vjeçar vret rojën dhe pastaj hap zjarr mbi shokët e klasës dhe mësuesit në liceun Red Lake High School, në Minnesota. Adoleshenti vret 6 persona, plagos 14 të tjerë dhe në fund vret veten. Para se të kryejë masakrën, djali kishte vrarë gjyshin dhe partneren e tij.

2 tetor 2006: Një burrë merr peng disa nxënës të shkollës Nickel Mines në Pennsilvani. Pasi liron djemtë, lidh vajzat me pranga dhe litarë dhe vret 5 prej tyre. Në fund vetëvritet.

17 prill 2007, tragjedi në Virxhinia: Një student 23 vjeç me origjinë koreane hap zjarr në dy zona të ndryshme të kampusit universitar Virginia Tech, duke vrarë 2 persona në konvikt dhe 30 të tjerë gjatë një ore leksioni.

14 shkurt 2008, zjarr në Universitetin e Ilinois: Një ish-student vret me çifte 5 persona dhe plagos 15 të tjerë. Më pas vret veten.

3 prill 2009: Një 42-vjeçar me origjinë nga Vietnami hap zjarr në një qendër pritëse për emigrantë në Binghamton, 200 kilometër nga New York. Bilanci: 13 të vdekur.

5 nëntor 2009, përgjaket Fort Hood: Një ushtar amerikan me origjinë palestineze hap zjarr në bazën amerikane të Fort Hood në Teksas: 13 të vdekur, 42 të plagosur.

24 dhjetor 2009, terror në Krishtlindje: Një person i veshur si babagjyshi i vitit të ri hyn i armatosur në një shtëpi në Covina, 40 kilometër nga Los Angelos ku po festohej vigjilja e lindjes së Krishtit – vret 9 persona.

8 dhjetor 2011: Goditet sërish kampusi universitar Virgina Tech, kësaj radhe me dy viktima. Një roje dhe vetëvrasësi.

2 prill 2012, përgjaket California: Një ish student hyn në një sallë në Oykos University, në Kaliforni. 6 të vdekur tre të plagosur.

20 korrik 2012: Premiera botërore e filmit “Batman”. The Dark Knight Rises shndërrohet në një tragjedi. Një 24- vjeçar i veshur me maskë anti-gaz duke imituar një prej personazheve të filmit hyn në një kinema në lagjen Aurora të Denverit në Kolorado dhe me një çifte vret 12 persona, mes të cilëve edhe fëmijë – plagos 70 të tjerë.
14 dhjetor 2012, masakra e fëmijëve në Sandy Hook: Një 20 vjeçar, Adam Lanza, hynë në shkollën fillore të Newtown Konetika dhe vret 20 fëmijë dhe 6 të rritur.

27 korrik 2013, të shtëna në Florida: Një burrë me origjinë kubane hyn në një apartament në Majami dhe vret 6 persona.

2 dhjetor 2015, masakër në San Bernardino: Një sulm terrorist në një qendër për persona me aftësi të kufizuara në Kaliforni ku mbetën të vrarë 14 persona dhe 22 të tjerë u plagosën. Dy vrasësit, burrë e grua dhe militantë të Shtetit Islamik u vranë nga policia. /Telegrafi/