Stil Trend

Këta të famshëm janë fejuar/martuar më së shumti herë

Para 4 vitesh

S’është ndonjë sekret i madh fakti që shumica e romancave të yjeve të Hollywoodit nuk zgjasin

Lidhje të tilla janë shpesh subjekt spekulimesh, thashethemesh, etj, prandaj të famshmit e kanë edhe më të vështirë të gjejnë qëndrueshmërinë tek partneri apo të finalizojnë një marrëdhënie.

Disa janë martuar dhe kanë përfunduar të divorcuar, ndërsa të tjerë pavarësisht ndarjeve s’kanë hequr dorë! – shkruan Pop Sugar.

Në listën më poshtë do të gjeni të famshmit që janë fejuar më shumë herë!

1. Billy Bob Thornton: 7 fejesa/martesa

Billy Bob është mjeshtër i vjetër kur vjen puna tek zgjedhja e një unaze fejese! Aktori ka qenë 6 herë i martuar. 5 të parat, përfshi këtu dhe martesën me Angelina Jolie, përfunduan në divorc. Në 2014-ën, ai u martua me gruan e tij të 6-të, me të cilën është ende.

2. Jennifer Lopez- 5 fejesa/martesa

Sigurisht që Jenny s’mund t’i mungonte kësaj liste! Fillimisht Lopez u martua me kamerierin Ojani Noa dhe ndonëse i thanë njëri-tjetrit “po” me dëshirë të madhe, martesa zgjati më pak se 1 vit. Pak vite më vonë, Lopez u martua me balerinin Cris Judd, martesë e cila zgjati gjithashtu më pak se 1 vit. Pas lidhjes me të, u fejua shpejt me Ben Affleck me të cilin do të martohej, por diçka ndodhi dhe dasma u anulua 10 muaj më vonë. Jennifer qëndroi për 7 vite e martuar me Marc Anthony para se të divorcohej në 2011 dhe 10 vite më vonë, i dha fund një tjetër fejese: atë me Alex Rodriguez. Tani, J.LO i është rikthyer sërish një dashurie të vjetër, Ben Affleck.

3. Marc Anthony: 5 fejesa/martesa

Njësoj si ish-gruaja edhe këngëtari është martuar dhe ndarë plot 5 herë deri tani.

4. Drew Barrymore: 5 fejesa/martesa

Drew Barrymore ka qenë e martuar 3 herë dhe 2 herë të tjera e fejuar.

5. Johnny Depp: 5 fejesa/martesa

Aktori ka qenë 2 herë i martuar: me Amber Heard me të cilën u divorcua në 2016-ën dhe Lori Anne Allison, martesë që zgjati vetëm 2 vite. Fejesa të famshme të tjera të aktorit kanë qenë me Sherilyn Fenn, Jennifer Grey, dhe Winona Ryder. Kishte zëra që thoshin se Depp ka qenë gjithashtu i fejuar me të dashurën e shumë viteve, Vanessa Paradis me të cilën aktori qëndroi për 14 vite dhe pati 2 fëmijë.

6. Paris Hilton: 5 fejesa

Hilton ka qenë 5 herë e fejuar, 4 prej të cilave përfunduan në ndarje. Së fundmi, Paris u fejua me sipërmarrësin Carter Reum pas romancës 1-vjeçare.

7. Julia Roberts: 4 fejesa/martesa

Roberts ka përjetuar 2 divorce gjatë jetës së saj dhe dy fejesa të tjera që priteshin të përfundonin në martesa, por u anuluan pak ditë para ceremonisë, citon Anabel.

8. Brad Pitt: 4 fejesa/martesa

Martesat e Brad Pitt-it i dini pak a shumë të gjithë. Përveç divorceve të famshme me Jennifer Aniston dhe Angelina Jolie, Pitt ka qenë edhe 2 herë të tjera i fejuar. Në 1989-ën me Cutting Class për më pak se 1 vit dhe me aktoren Gwyneth Paltrow në ’96-ën, fejesë e cila gjithashtu zgjati 1 vit.

9. Halle Berry- 3 fejesa/martesa

Pas 3 martesave të përfunduara në divorc, thuhet se Berry dhe i dashuri aktual janë fejuar, por s’ka ende asnjë konfirmim për të tilla thashetheme.