Kështu e sheh demarkacionin një kryetar komune në Mal të Zi (Video)

Kryetari i Istogut, Haki Rugova ishte nikoqir i homologut të tij malazias, Dragoslav Shkekiq, që e drejton komunën e Beranes.

Mysafiri është i bindur se rrugën e bashëkpunimit midis dy komunave, duhet ta ndjekin edhe dy shtetet, që sa më shpejt të gjejnë rrugëdalje për demarkacionin.

E derisa Kosova ka ngecur e spo mundet te ratifikojë ujdinë për kufirin, Shkekiq i tha Klanit se kjo nuk ndalon atë të bashkëpunojë me Rugovën dhe komunën që e drejton.

Nga ana e tij, nikoqiri, thotë se është i lumtur që Istogu e Berane, nuk kanë cësthje të hapura. Andaj Rugova, mendon se tashmë vija e kufirit me Malin e Zi duhet të ratifikohet

Kryekomunari, që është dhe nënkryetar i LDK-së, mendon se për kufirin duhet edhe një debat shoqëror final.

Para këtyre deklarimeve, rugova e Shkekiq morën pjesë në hapjen e shtëpisë së Inovacionit në Istog,e bërë nga fondet e BE-së. Një e njëjtë do të hapet edhe në Berane. Me kësi projekte u tha se dy komunat do zhvillojnë ndërmarrësinë, inovacionin dhe bashkëpunimin ndërkufitar.