Këshilli penal i Gjykatës themelore Shkupi 1, në mbledhjen e sotme i pranoi ankesat e avokatëve mbrojtës të dy të dyshuarve të lëndës ''Transportuesi'' të iniciuara nga Prokuroria Speciale Publike (PSP), transmeton Telegrafi Maqedoni.
Masa e paraburgimit që iu shqiptua S. M dhe A. SH nga gjykatësi paraprak, është ndryshuar me masën e prezencës, pra marrja e dokumenteve të udhëtimit, detyrimin e paraqitjes në gjykatën e Manastirit dhe ndalimin e lëshimit të vendbanimit.
Këshilli penal i refuzoi ankesat e PSP-së për refuzimin e paraburgosjes së dy personave të tjerë, V. D dhe A. A, gjithashtu të dyshuar në lëndën ''Transportuesi''./Telegrafi/
