Këshilla e Ronaldos, Pogba e dinte për largimin e tij nga United dhe gjuha italiane – Lukaku i zbulon të gjitha

Romelu Lukaku ka folur për vendimin që të kalonte te Interi, racizmin në futbollin italian dhe dy gjëra interesante për Paul Pogban dhe Cristiano Ronaldon.

Në një intervistë për New York Times, 26-vjeçari ka zbuluar se incidentet me racizëm nuk janë për diçka e re.

“Kam qenë në shumë situata të tilla si ajo ndaj Cagliarit. Ju e kontrolloni vetën dhe nervozen e mbani brenda vetës. Unë them gjithë me vetën se tani do të shënoj dhe do shkoj në shtëpi. ‘Black Friday’ dhe baneri me tre majmunët nga Federata e Italisë? E di se nuk kam bërë asgjë. E them çfarë mendoj, nëse kam diçka në mendje, çohem dhe flas”, ka thënë belgu.

Lukaku ka zbuluar se planet e tij për t’u largua nga Djajtë e Kuq i kishte zbuluar për herë të parë te Paul Pogba kur ishin në Australi.

“E veçova atë nga pjesa tjetër e bashkëlojtarëve dhe i tregova se kam përfunduar punë te Manchester United. Ishte një ndjenjë se unë dhe Pogba ndiheshim fajtor për rënien e Manchester Unitedi”.

Sulmuesi ka treguar po ashtu se e kishte pyetur Cristiano Ronaldon për Serie A-në dhe se si ishte të luante atje.

Lexo po ashtu Lukaku shpërthen ndaj gazetës italiane pasi këta të fundit vendosën një titull racist: Gjëja më idiote që e kamë parë

“Kam biseduar me Cristiano Ronaldon para se të vije te Interi dhe ai më tha: Serie A është liga më e vështirë në pjesën defanzive. Ai më tha se kishte shënuar gola ngado që kishte shkuar, por në Itali është më e vështirë dhe nëse thotë Cristiano ashtu, atëherë është e vërtetë”, ka shtuar më tej ai.

Lukaku ka zbuluar më tej se ai kishte filluar prej kohësh të mësonte gjuhën italiane dhe tani askush me të nuk flet anglisht. /Telegrafi/