Kërkohen ndryshime ligjore për punësime në ndërmarrjet publike komunale në Maqedoni (Video)

Ndryshime në normativat ligjore të cilat e rregullojnë punësimin e punëtorëve në ndërmarrjet komunale në nivel lokal dhe shtetëror, intervenime në Ligjin për furnizime publike, dhe kyçje në mënyrë aktive në përgatitjen e Ligjit të ri për menaxhim me mbeturina, janë disa nga aktivitetet të cilat do të jenë më prioritare për Shoqatën e veprimtarive komunale pranë Odës Ekonomike të Maqedonisë.

Zvonko Jovanovski, kryetar i Shoqatës së Veprimtarive Komunale në Odën Ekonomike të Maqedonisë, tha se do të iniciojnë ndryshime dhe plotësim të rregullave për punësime në ndërmarrjet komunale.

ZVONKO JOVANOVSKI, KRYETAR I SHOQATËS SË VEPRIMTARIVE KOMUNALE

“Ne kemi problem me punësimet e reja. Procesi i punësimeve të reja është shumë e gjatë, ndërsa ne si ndërmarrje komunale kemi nevojë për punësime të shpejta, ngase na dalin punë sezonale. Dhe këtu e kemi problemin që procedura për punësim është shumë e ngadalshme”

Nga ana tjetër Kryetari i grupacionit të tregtarëve pranë Odës Ekonomike të Maqedojnisë, Zvonko Stojçev tha se e përkrahin Ligjin për Tregti në Tregjet e Gjelbëra, i cili u votua në Kuvend më 11 janar.

ZVONKO STOJÇEV, KRYETARI I GRUPACIONIT TË TREGTARËVE

“Me këtë ligj rregullohet statusi I personave që bëjnë tregti në tregjet e gjelbërta dhe rregullohet marrëdhënia e tyre e punës në normative ligjore dhe do të ju mundësohet atyre që të rregullojnë statusin e tyre ndaj fondit shëndetësore dhe pensional. Kjo është poenta kyçe e Ligjit.

Shoqata e veprimtarive komunale poashtu ka njoftuar se në periudhën e ardhme do të kyçet në përpunimin dhe sjelljen e Ligjit për menaxhim me mbeturina, ndërsa kanë shtuar se tentimet e deritanishme që të vendosen në funksion deponit regjionale kanë dështuar./Shenja/

https://www.youtube.com/watch?v=uQULNXHAdhY