Keown: Sanchez është mercenari më i madh në futboll

Ish-kapiteni i Arsenalit, Martin Keown, ka sulmuar Alexis Sanchez mbi lëvizjen e tij e cila pritet të finalizohet te Manchester Unitedi.

Arsenali ishte përgatitur t’i paguante Sanchezit 300 mijë funte në javë për të qëndruar në Emirates, por nuk ishin në gjendje ta bindnin atë të qëndronte.

Legjenda e Arsenalit, Keown ka kritikuar këtë lëvizje, duke thënë se është i bindur se sulmuesi është një mercenar dhe u josh nga paratë.

Lexo po ashtu Wenger: Humbja e Van Persiet ishte më e dhimbshme sesa e Sanchezit

“Sanchez duhet të jetë mercenari më i madh në futboll”, ka thënë fillimisht Keown për Daily Mail.

“Manchester City ka kërkuar të nënshkruajë me Sanchezin që nga vera dhe, nëse nuk bëhet asnjë marrëveshje në janar, ata do të presin për atë në fund të sezonit”.

“City do të ishte vendi i natyrshëm për Sanchezin për të shkuar dhe për të zhvilluar futbollin e tij. Ai ka punuar me Pep Guardiolën më parë”.

Lexo po ashtu Ish-trajneri i Unitedit: Sanchez është lojtari që tifozët duan ta shohin në Old Trafford

“Por, për Sanchezin, kjo nuk është e qartë për të shkuar në ekipin më të mirë, duke punuar me Guardiolan dhe duke quar lojën e tij në një nivel tjetër”.

“Ai ka menduar ndoshta se nuk do të marrë një ofertë më të mirë nëse ai pret deri në verë, kështu që ai mund të marrë gjithashtu ofertën më të mirë tani. Ka qenë gjithçka për paratë”, përfundoi ish-kapiteni i Arsenalit. /Telegrafi/