Keni probleme me gjumë? Këto janë ushqimet që po ju mbajnë zgjuar natën

Një në tre britanikë vuan nga gjumi i dobët, ndërkaq ushqimet si çokollata dhe tosti mund të jenë pjesë e problemit

Ekipi nga sajti i fitnesit dhe shëndetit “Vivotion” ka përpiluar një listë me ushqimet që na bëjnë të lodhur dhe zemërak.

Gjumi i dobët mund ta rritë rrezikun e mbipeshës, sëmundjeve të zemrës dhe diabetit, por edhe ta dëmtojë sistemin e imunitetit dhe të ketë efekt negativ në shëndet mendor.

Megjithatë, shmangia e ushqimeve të caktuara para se të flini mund t’ju ndihmojë të bini më shpejt në gjumë dhe të keni gjumë kualitativ, transmeton Telegrafi.

Çokollata

Sasia e kafeinës që gjendet në çokollatë nuk ju lë të flini gjatë natës, prandaj më mirë ta shmangni.

Buka e bardhë

E mbushur me sheqer të përpunuar, një rriskë e kësaj buke para gjumi nënkupton se do të jeni plot energji. Më mirë të hani bukë të zezë.

Ushqimet djegës

Këto ushqime e rrisin qarkullimin e gjakut dhe e rrisin temperaturën e trupit kur në të vërtetë duhet të normalizohet para se të flini.

Djathi

Ka kimikal në djathë i cili e nxitë trurin të punojë më shumë sesa ç’duhet, që nënkupton se e keni më vështirë të flini.

Lexo po ashtu Shtatë gjërat befasuese që mund të prishin ciklin e gjumit

Pasta

Një pjatë e mbushur me karbohidrate e aktivizon sistemin e energjisë së trupit dhe ju do ta keni më vështirë të flini.

Pemët e thata

Pemët e thata janë të mbushura me fibra dhe sheqer natyral, prandaj ky është lajm i keq për gjumin tuaj. Fibrat i shkaktojnë presion sistemit të tretjes, ndërkaq sheqeri assesi nuk bën. /Telegrafi/