KEMM: Gazetarët duhet të reflektojnë vlerat e profesionit dhe jo të nxisin dhunë

Këshilli për Etikë në Media të Maqedonisë (KEMM) ashpër ka kritikuar të gjithë format e llogarive fizike, ku janë të përfshirë gazetarë, si dhe bën thirrje në përmbajtje dhe reagime të qeta të çfarëdo provokimi nga cilido do që është në qendër të forcës, grupacionit apo individualisht, përcjell Telegrafi Maqedoni.

“Gazetarët janë të detyruar të respektojnë vlerat e profesionit të tyre, të mos nxisin dhunë as me shkrimet e tyre, as me sjelljen e tyre dhe asnjëherë të mos harrojnë se arma e tyre më e fuqishme është fjala.

Na pret një periudhë e trazuar e fushatës politike dhe tensione para zgjedhjeve të ardhshme lokale, prandaj KEMM bën thirrje për përgjegjësi maksimale në ushtrimin e profesioneve publike. KEMM gjithashtu i bën thirrje medias për një qasje më serioze në raportimin, gjegjësisht interesi publik të jetë kusht kryesor në përzgjedhjen e temave që i prezantohen audiencës. Përveç informacionit, media ka edhe rol edukativ, ata duhet të pasurojnë diskursin publik, të ndikojnë në kultivimin e saj, e jo në uljen e nivelit të komunikimit publik dhe krijimin e një atmosferë që nuk është e përshtatshme të një shoqërie moderne demokratike”, thuhet në komunikatë.

Përndryshe, dje para kafenesë ‘Manda’ në Shkup, Ljupço Pavleski ngjyrosi Branko Geroskin me ngjyrë të kuqe dhe të verdhë duke i thënë “Ja revolucioni yt laraman”./Telegrafi/