“Kemi nevojë për idealista”,Kusari-Lila: Pa dhënë secili diçka për shtetin nuk mund të kemi shtet

Shefja e Grupit Parlamentar të Vetëvendosjes, Mimoza Kusari – Lila tha se Kosova ka nevojë për idealistë në sektorin publik.

“Sot edhe SHBA vendi me kapitalist në botë kërkon idealista… Pa dhënë secili diçka për shtetin nuk mund ta kemi një shtet”, tha ajo.

Kusari Lila  shtoi  se po tentojnë të gjejnë mënyra për t’i kthyer nga sektori privat në at publik kuadrot.

se investimet që janë bërë në sektorin e sigurisë çoftë në pajisje apo në infrastrukturë kalojnë 200% të asaj se si ishin më parë.

“Sa i përket rrezikshmërisë dhe protestës për herë të parë të njësisë së intervenimit të shpejtë, mendoj se edhe  vet takimi me kryeministrin Kurti dhe takimet pasuese që po ndodhin me ministrin e brendshëm e tregojnë jo vetëm një përkushtim por një interesim të madh të mbajtjes gjegjësisht të orientimit të kësaj qeverie në përmirësimin e natyrisht edhe në kontributin për aq sa lejon dhe ka hapësirë edhe buxheti a natyrisht edhe barazia që ka të bëjë edhe me njësitë e tjera të ndërhyrjes së shpejtë. Kemi rastet e kërkesave të zjarrfikësve, kemi pasur protestë të sektorëve emergjentë e gjithashtu edhe të vozitësve”, tha Kusari Lila, në RTV21.

Ajo  e pranoi se për rezultatet e PSIA-s përgjegjësia i takon edhe qeverisjes aktuale.

Shtoi se është një alarm që duhet t’i rikthehen përmbajtësisht deri tek zbatimi i kurrikulës dhe etika në procesin e mësimdhënies.

“Përgjegjësia e thamë deklarativisht apo nuk e thamë na takon edhe neve për këtë pjesë të mbajtjes së nivelit qendror. Përgjegjësia iu takon edhe gjithë atyre që kanë kontribuar në procesin”, tha ajo, duke shtuar se arsimi ka qenë dhe mbetet i politizuar.