Kelmendi: Albin Kurti, person me vizion të një partie komuniste moderne (Video)

Deputeti i Kuvendit të Kosovës nga radhët e LDK-së, Ramiz Kelmendi, ka thënë se Albin Kurti ka një vizion të një partie komuniste të vitit 2020.

Kelmendi, në “Debat Plus” me Ermal Pandurin në RTV Dukagjini, ka thënë se preferon që në krye të LDK-së të mbetet Isa Mustafa.

Ai ka thënë se respekton edhe kontributin e Lutfi Hazirit dhe Vjosa Osmanit, por për shkak të ruajtjes së unitetit ai do ta preferonte kryetarin e tanishëm.

Deputeti i LDK-së ka thënë se Albin Kurtin e sheh si një njeri që ka një vizion të një partie komuniste moderne të vitit 2020.

“Albin Kurti në të gjitha aspektet është ‘i kuq’. Ka një koncept të ri të komunizmit që do të ndërtojë në vitin 2020”, tha ai, përcjell Telegrafi.

Kelmendi ka thënë se ai nuk do të dilte kundër partisë në rast të ndonjë koalicioni të mundshëm, por personalisht nuk e përkrah këtë koalicion.

“Mendoj se një qëndrim i kuq komunist nuk e çon Kosovën përpara dhe nuk e shton miqësinë me të gjitha shtetet që ne kemi”.

I pyetur nëse do ta votonte Kurtin për kryeministër në rast të ndonjë marrëveshje eventuale LDK-Vetëvendosje, Kelmendi ka qenë i prerë duke mohuar votimin e tij.

“Mund të iu them se nuk e votoj. Vizionin e kuq komunist nuk e votoj”, tha ndër të tjera Ramiz Kelmendi./Telegrafi/