Kancelari gjerman me mesazh për Rusinë: Mos përdorni armë kimike në Ukrainë

Kancelari gjerman, Olaf Scholz gjithashtu ka folur pas takimit të aleancës së NATO-s në Bruksel.

Ai paralajmëroi Rusinë kundër çdo përdorimi të armëve kimike në Ukrainë, raporton bbc.

“Nëse Rusia po përgatit një operacion me flamur të rremë për të përdorur armë të tilla, kjo do të ishte në kundërshtim me të gjitha rregullat, marrëveshjet dhe konventat”, tha ai.

“Është shqetësimi ynë jo vetëm ta theksojmë këtë, por edhe të paralajmërojmë në bisedat që kemi: Mos e bëni”, shtoi ai.

Sanksionet ndaj Rusisë tashmë kishin një ndikim të fortë dhe vendet e G7 ishin të përgatitura të shtonin më shumë sanksione nëse ishte e nevojshme, tha ai.

Megjithatë, gjermani tha se kishte qenë një vendim i qëllimshëm për të përjashtuar importet e energjisë ruse nga sanksionet.

Duke iu përgjigjur një njoftimi rus se energjia ruse tani do të duhet të paguhet në monedhën rubla të Rusisë, Scholz tha se detajet duke përfshirë monedhën ishin fiksuar tashmë në kontrata.

Gjermania do të fillojë ndërtimin e terminaleve për importet e gazit natyror të lëngshëm (LNG) këtë vit, tha ai. SHBA është një eksportues kryesor i LNG. /Telegrafi/