Kampioni i botës u la si lojtar i lirë nga klubi meksikan, Thauvin gjen klub në Serie A duke nënshkruar me Udinesen

Florian Thauvin u la si lojtar i lirë së fundmi nga Tigres dhe tashmë sot ai ka nënshkruar e një klub të ri, Udinesen e Serie A.  

Anësori francez 29-vjeçar u largua nga gjigantët meksikan një vit e gjysmë pasi mbërriti si lojtar i lirë në fund të kontratës së tij në Marseillen.

Sipas Transfermarkt, ai bëri gjithsej 38 paraqitje me fanellën e Tigres, në të cilat arriti të shënonte tetë gola dhe asistoi në pesë prej tyre.

Ai vlerësohet 10 milionë euro dhe për Udinesen është goditje e madhe.

2️⃣6️⃣ ⚪️⚫️ #ForzaUdinese #AlèUdin #Udinese #Thauvin pic.twitter.com/OPyD7BiPJF

— Udinese Calcio (@Udinese_1896) January 31, 2023

Thauvin ishte kampion bote me Francën në vitin 2018 dhe një nga sulmuesit më të mirë francezë.

Pritej që atë verë të shkonte në një klub të madh evropian, por vendosi të ndiqte gjurmët e bashkatdhetarit Andre-Pierre Gignac, i cili u bë legjendë në Tigres.

Thauvin më pas refuzoi ofertat e gjigantëve të shumtë evropianë që donin ta sillnin atë falas në vitet e tij të shkëlqyera të futbollit.

Lexo po ashtu Të gjitha lajmet nga Florian Thauvin

Në karrierën e tij ka luajtur për Grenoble, Bastia, Lille, Neëcastle dhe Marseille. Ai ka dhjetë paraqitje dhe një gol për Francën./Telegrafi/