“Kampion me makinën e duhur, ndoshta Mercedes”

Piloti finlandez Valtteri Bottas është kthyer në emrin më të lakmuar për të pilotuar makinën Mercedes sezonin e ardhshëm, për të zënë vendin e lënë bosh nga Nico Rosberg.

Bottas, që ka debutuar në vitin 2013 me Williams, ka zhvilluar 77 gara në Formula 1, është ngjitur 9 herë në podium, por nuk ka fituar asnjëherë. Ndaj për finlandezin ky mund të jetë shansi i artë për të treguar aftësitë e tij. “Unë nuk kam asnjë dyshim mbi aftësitë e mia. E di që jam i aftë të fitoj, por kam nevojë për makinën e duhur për ta bërë këtë gjë”, tha Bottas për mediat, duke i “shkelur syrin” Mercedes.

Bottas shprehet i kënaqur për interesimin e Mercedes edhe pse ai ka ende një kontratë me Williams. Por duket se gjithçka është kopsitur si duhet, me Felipe Massa që do të rikthehet te makina britanike dhe finlandezin që do të shkojë te Mercedes, transmeton telesport.

“Unë e di mirë që në të ardhmen do të kem mundësi të pilotoj një kampionë kampione. Shpresoj që kjo të ndodhë sa më shpejt të jetë e mundur. Nëse do të kam një makinë të shpejtë mund të shpallem kampion. Mercedes? Diçka fantastike, por pres një përgjigje nga Williams”, tha më tej Bottas, ndërkohë që Williams pret një ofertë nga Mercedes, duke qenë se përdor motorin e makinës gjermane.