Kaka: Me Mourinhon kam pasur raporte të komplikuara, ai ishte trajner i vështirë për mua

Ricardo Kaka ka folur rreth raportit të komplikuar që e ka pasur me Jose Mourinhon gjatë kohës kur luante te Real Madridi.

Ish-futbollisti brazilian u bë i njohur botërisht, pasi iu bashkua Milanit (në vitin 2003) dhe arriti ta fitonte titullin e Serie A dhe Ligën e Kampionëve, ndërsa u shpall Lojtari më i mirë në botë nga FIFA në vitin 2007.

Kjo bëri që Los Blancos ta transferonin në vitin 2009, mirëpo edhe pse e fitoi La Ligan dhe Kupën e Mbretit në Mourinhon, ai asnjëherë nuk arriti ta tregonte lojën të cilën e kishte bërë me Rossonerët.

Lexo po ashtu Të gjitha lajmet për KAKA

“Në vitin 2009, e pranova ofertën e Real Madridit, por isha krejtësisht i shkatërruar, sepse nuk mund ta jepja atë që ia kisha dhënë Milanit, isha krejtësisht i humbur”.

“Jose Mourinho ishte një trajner i vështirë për mua dhe kishim një marrëdhënie të respektueshme, por të komplikuar”.

“Stërvitesha, angazhohesha dhe lutesha shumë, mirëpo nuk e siguroja besimin e trajnerit, pastaj e kuptova se nuk mund të punoja me të”.

“Kënaqësia e vetme që kam pasur ishte një mesazh që e mora kur ai u largua nga Real Madridi dhe më thoshte se unë kam qenë një prej lojtarëve më profesionalë, me të cilët ka punuar”, ka treguar Kaka.

Braziliani, i cili e ka fituar edhe Kupën e Botës me Brazilin në vitin 2002, u largua nga Reali në vitin 2013 për t’u kthyer te Milani. Për herë të fundit, Kaka ka luajtur për Orlando Cityn, ndërsa u pensionua në dhjetor të vitit 2017. /Telegrafi/