Femra Familja Psikologji

Kadrie Canolli, me forma magjepsëse, filmon editorial për brendin e famshëm “GUESS”

Para 4 vitesh

E re, plot hijeshi, e dedikuar në perfeksion ndaj detajeve për të bukurën dhe modën, prezantuesja Kadrie Canolli, sërish ka gjetur një mënyrë për të kënaqur fansat dhe njëkohësisht për të reklamuar brendin “GUESS”

Në punën e saj, reflekton atë që të tjerët duan… imazhin e kuruar të ndërthurur me një buzëqeshje magnetike, detajet e skalitura, shembullin e disiplinës dhe talentit.

Brendi i cili me decenie është sinonim për glamur jashtëkohor dhe seksipil, shumë shpesh ka qenë zgjedhje e damave të famshme nga bota e argëtimit dhe e modës.

Modelja Kadrie Canolli ka tërhequr vëmendjen e njohësve të modës dhe, këto ditë, ajo ka filmuar një fushatë të re për brendin “GUESS”, i cila ka hyrë në kulturën moderne duke u bërë ikonë e gjeneratës së re, shkruan Telegrafi.

Edhe pse tani për tani është në dispozicion për të gjithë, mund të thuhet gjithashtu se kjo markë, është e patejkalueshme në botën e modës për shkak të stilit që kuron.

E udhëhequr gjithnjë nga sensi i origjinalitetit, shtathedhura sygjelbër, kthen çdo frymëzim në skicë dhe çdo ëndërr të sajën në realitet.

“Thjeshtësia ka qenë gjithmonë stili im dhe ndihem më natyrale në të. Jam më rehat në veshje të tilla, që në një farë mënyre është një reflektim i karakterit tim. Mendoj që bukuria në thjeshtësi është çelës i elegancës së vërtetë”, thotë ajo.

Si një vajzë ambicioze, Canolli di çfarë dëshiron në jetë dhe është në rrugën e duhur për ta realizuar këtë. Ka një zgjuarsi të lindur dhe kjo kuptohet nga mënyra sesi imazhin e vet e vë në funksion të suksesit, gjithmonë me thjeshtësi dhe klas.

“Jam atraktive në situata speciale, të cilat nuk është e thënë të jenë vetëm ngjarje afariste apo festa, por mund të jenë edhe rezultat i ndjenjave të mia momentale dhe i rrethanave”, thotë kjo bukuroshe që reflekton elegancë dhe stil mahnitës.

View this post on Instagram

A post shared by Marciano (@marciano)

Kadria, me vetëdije ka hequr dorë nga koha e lirë, mirëpo ka kuptuar që pikërisht ajo kohë e lirë nëpër këtë punë ka marrë njëfarë dimensioni dhe kuptimi të ri.

“Unë e kam punën time të përditshme, e cila në vetvete është kërkuese dhe me përgjegjësi. Mirëpo, kur diçka doni dhe kur dashuria e madhe është nxitëse e kreativitetit tuaj, nuk ka vend për lodhje dhe për të menduar që diçka është e vështirë. Gjithë energjinë time e investoj në përmbajtjen të cilën e krijoj. Askush nuk është më i kënaqur se unë kur në fund të ditës shoh rezultatin e mundit tim, po ashtu edhe nëpërmjet kënaqësisë së klientëve dhe audiencës me të cilët punoj”, vijon ajo.

Gjithmonë në industrinë e modës së re të cilën e njeh shumë mirë, kush më mirë se ajo mund t’u bëjë reklamë krijimeve të brendeve të ndryshme. Shikoni këtë xhirim kaq relaksues dhe gjykoni.