Juventusi i së ardhmes – Allegri mbështet te Dybala dhe Chiesa

Paulo Dybala dhe Federico Chiesa duket se janë në marrëdhënie të mira brenda dhe jashtë fushës, ndërsa Massimiliano Allegri mbështetet tek dyshja për t’u ngjitur në tabelën e Serie A.

Ylli italian dhe ai argjentinas, ishin lojtarët kryesorë në fitoren 4-2 të Juventusit ndaj Zenit të martën.

Dybala shënoi dy herë dhe asistoi një herë, ndërsa Chiesa shënoi një gol të bukur me solo aksion, dukë bërë që me golat e tyre Juventusi të fitonte një vend në mesin e 16 më të mirave të Ligës së Kampionëve kur kanë mbetur edhe dy ndeshje për tu zhvilluar në fazën e grupeve.

Ata duket se janë në marrëdhënie shumë të mira si brenda dhe jashtë fushës dhe kjo dëshmohet edhe në postimin e Chiesas në Instagram, ku dyshja shihen të përqafuar.

View this post on Instagram

A post shared by Federico Chiesa (@fedexchiesa)

Dybala, 27 vjeç, është golashënuesi më i mirë i Juventusit këtë sezon me gjashtë gola dhe katër asistime në 10 paraqitje në të gjitha garat.

Ai pritet të nënshkruajë një kontratën të re me Bianconerët pasi marrëveshja e tij aktuale skadon në qershor 2022.

Chiesa, 24 vjeç, shënoi tre gola dhe asistoi dy herë në 12 paraqitje dhe ka luajtur në shumë role këtë sezon: si sulmues i djathtë ose i majtë, por edhe si sulmues.

Allegri mbështetet tek Chiesa dhe Dybala për t’u ngjitur në tabelën e Serisë A.

“Ai është një lojtar i rëndësishëm, është më i pjekur dhe tani po përmirësohet sepse ka qëndrimin e duhur në stërvitje. Duhet të jetë gjithmonë kështu, ne stërvitemi ashtu siç luajmë dhe luajmë ashtu siç stërvitemi”, ka thënë Allegri për Dybalan gjatë konferencës së sotme për shtyp.

Juventus ndodhet në vendin e 9-të në tabelën e Serie A, tre pikë larg rivalit të tyre të ardhshëm, Fiorentina. /Telegrafi/