Juventusi po rinovon kontratat me dy lojtarë

Sipas Sky Sport Italia, Juventusi është në prag të marrëveshjes për kontrata të reja me reprezentuesit brazilianë, Danilo dhe Alex Sandro.

Bianconerët janë në proces të rinovimit të skuadrës së tyre dhe sjelljes së më shumë talenteve përmes akademisë së të rinjve, por kjo nuk do të thotë se nuk do të ketë vend edhe për veteranët.

Danilo tashmë praktikisht ka njoftuar se do të zgjasë marrëveshjen e tij aktuale për të qëndruar në Torino, tani raportohet se Alex Sandro do të ndjekë rrugën e tij.

Lexo po ashtu Konfirmohet: Juventusi nuk do t'i shpëtojë as ndëshkimit nga UEFA

Marrëveshja aktuale e mbrojtësit 32-vjeçar do të përfundojë në fund të këtij sezoni dhe ekziston një klauzolë që lejon një zgjatje automatike prej një viti në bazë të paraqitjeve.

Në teori, Juventusi mund ta ndërpresë kontratën gjithsesi në qershor për 1.5 milionë euro, por ata dëshirojnë ta mbajnë atë për sezonin e ardhshëm.

Alex Sandro iu bashkua Zonjës së Vjetër nga Porto në gusht 2015 me një kosto prej 28 milionë euro.

Deri më tani këtë sezon, ai ka bërë 27 paraqitje konkurruese, duke kontribuar me dy asistime. /Telegrafi/