Juventusi ka marr fitore si mysafir me Hellas Veronan me rezultat 3-0 në kuadër të javës së dytë të Serie A.
Zonja e Vjetër e nisi shumë mirë ndeshje duke krijuar disa raste para se të shënonte.
Por goli erdhi në minutën e 28-të, kur Kenan Yildiz asistoi te Dusan Vlahovic i cili shënoi për 1-0.
Nuk vonoi shumë dhe në minutën e 39-të, Samuel Mbangula asistoi te Nicolo Savona i cili shënoi gol në ndeshjen e parë si startues për 2-0.
Me të filluar pjesa e dytë, Juventusi nuk u ndal dhe vazhdoi me sulme, ku fitoi penallti.
Mbangula fitoi penallti pasi u rrëzua në zonë nga Jackson Tchatchoua. Nga pika e bardhë ishte i saktë Vlahovic që shënoi për 3-0.
Deri në fund, Juventusi i Thiago Mottas ruajti rezultatin dhe mori fitoren e dytë.
Një nisje perfekte e Zonjës së vjetër, që në dy ndeshjet e para gjashtë pikë dhe ka shënuar gjashtë gola dhe nuk ka pranuar asnjë. /Telegrafi/
