Juventus gabon në shtëpi, nuk merr më shumë se një pikë ndaj Empolit

Juventus ka luajtur baras 1-1 në shtëpi ndaj Empolit, në kuadër të xhiros së 22-të në elitën e futbollit italian.

“Zonjës së Vjetër” iu vështirësuan punët tej mase kur në minutën e 18-të, Arkadiusz Milik u ndëshkua direkt me karton të kuq, duke lënë ekipin me një lojtar më pak në fushë.

Sidoqoftë, rasti i parë serioz në këtë ndeshje i takoi Juventusit, të cilët me anë të Fabio Mirettit (47’) ishin shumë afër golit, mirëpo italiani nuk u tregua i saktë përballë portierit.

HT| Parità all'intervallo. #JuveEmpoli pic.twitter.com/nKg4WAIjKM

— JuventusFC (@juventusfc) January 27, 2024

Një tollovi brenda zonës së Empolit, e shfrytëzoi Dusan Vlahovic (50’) i cili me lehtësi arriti ta çojë topin në rrjetë për 1-0.

Megjithatë, Empoli arriti ta shfrytëzojë avantazhin numerik në fushë, duke barazuar rezultatin në 1-1 me ane të Tomasso Baldanzit (70’).

Deri në fishkëllimën e fundit të gjyqtarit nuk pati më ndonjë rast për t’u veçuar dhe Juventusi u desh të pajtohej me një pikë.

Juventusi është momentalisht lider i tabelës me 53 pikë të grumbulluara, por me një ndeshje më shumë të luajtur se Interi që ka 51 sosh në vendin e dytë./Telegrafi/