Justin Bieber rezulton pozitiv me COVID-19, anulon koncertin në Las Vegas

Justin Bieber ka rezultuar pozitiv me COVID-19.

Bieber ishte planifikuar të performonte si pjesë e turneut të tij “Justice World Tour” në Las Vegas të dielën, por shfaqja është shtyrë për shkak coronaviusit.

“Për shkak të rezultateve pozitive të COVID brenda familjes së Justice Tour, ne për fat të keq do të duhet të shtyjmë shfaqjen e së dielës në Las Vegas. Justin është sigurisht shumë i zhgënjyer, por shëndeti dhe siguria e ekuipazhit dhe fansave të tij janë gjithmonë prioriteti i tij numër një. Turneu Nisja në San Diego ishte një sukses masiv, dhe Justin është i emocionuar për të sjellë këtë shfaqje spektakolare për fansat e tij në Las Vegas sa më shpejt të jetë e mundur”, thuhet në deklaratën e T-Mobile Arena.

Turneu i Bieber filloi në fillim të kësaj jave. Koncerti në Las Vegas është riplanifikuar për 28 qershor.

Rimbursimet do të vihen në dispozicion në pikën e blerjes, sipas një deklarate të postuar në Twitter.

Turneu botëror i Bieber do të vizitojë 20 vende të ndryshme në 13 muaj, sipas faqes së tij të internetit, shkruan People.

Këngëtari i “Stay” do të përfundojë pjesën e parë të turneut të riplanifikuar në Las Vegas, përpara se të nisë koncertet në Evropë, ku do të udhëtojë në katër vende nga data 3 deri në 10 gusht.

Më pas ylli i muzikës nisë koncerte në tre vende të Amerikës së Jugut – Brazil, Kili dhe Argjentinë – si dhe në Afrikën e Jugut, Izrael, Australi dhe Zelandën e Re nga shtatori deri në dhjetor.

Turneu do të kthehet në Evropë për pjesën e tij të gjashtë dhe të fundit, të planifikuar të fillojë më 13 janar 2023.

Bieber do të vizitojë 16 vende të ndryshme gjatë periudhës tre mujore, ndërsa turneun është planifikuar të përfundojë në Krakow të Polonisë. /Telegrafi/