Joshua vs Ruiz Jr: Orari dhe çdo gjë tjetër që duhet të dini rreth këtij dueli

Kampioni i botës në peshat e rënda Anthony Joshua do të kthehet në aksion në këtë fundjavë.

Superylli që i ka të gjithë titujt e unifikuar të divizionit, po përgatitet për ndeshjen e tij të parë në SHBA, ndërsa ai do të përballet me Andy Ruizin Jr në Madison Square Garden në New York City.

Joshua ishte në ring për herë të fundit në shtator, kur e mposhti Alexander Povetkin në Wembley Stadium për të zgjeruar rekordin e tij në 22-0.

Ai do të takohet me Ruizin, i njohur si ‘The Destroyer’, i cili ka pasur një titull botëror më parë, por e humbi ndaj Joseph Parker në vitin 2016.

Ku dhe kur zhvillohet dueli Joshua vs Ruiz Jr?

Ky duel i titullit botëror do të zhvillohet të shtunën, më 1 qershor në New york.

Madison Square Garden është vendi ku do të zhvillohet dueli.

AJ dhe Ruiz pritet të dalin në ring rreth orës 4:00 të mëngjesit të të dielës (2 qershor), sipas kohës tonë.

Për çka luftohet?

Anthony Joshua do të përballet me Andy Ruiz Jr ku në tavolinë janë katër titujt që i mban britaniku. (IBF, IBO, WBA, WBO).

Statistikat e boksierëve dhe pesha e gjatësia

Të dy boksierët kanë moshë të njëjtë, 29 vjeç dhe kanë një karrierë të jashtëzakonshme në boks.

AJ ka zhvilluar 22 ndeshje, ku të gjitha i ka fituar, ndërsa 21 prej tyre me nokaut.

Lexo po ashtu Joshua: Pasi ta mposhti Ruizin, do shkoj te Wilderi

Në anën tjetër Ruiz i ka zhvilluar 33 ndeshje, ku ka 32 fitore dhe vetëm një humbje. Ai i ka 21 fitore me nokaut.

AJ është i gjatë 208 centimetra, ndërsa pesha e tij është diku rreth 112 kilogram.

Lexo po ashtu Andy Ruiz Jr ua dëshmon dyshuesve se përballja me Anthony Joshuan do të jetë e fortë – një video e publikuar tregon shpejtësinë e duarve të tij që është mbresëlënëse

Në anën tjetër, meksikani është shuam më i shkurtër, diku 188 cm. Pesha e Ruiz është 116 kilogramë.

Çfarë thanë ata para duelit?

Anthony Joshua: “Nuk ka të bëjë me atë që si dukeni, është një zanat, një aftësi dhe çfarë ke në zemrën dhe në kokën tënde, kjo ka rëndësi në fund”.

“Andy ka treguar se i ka të gjitha, ai mund të luftojë, kjo është ajo që ka rëndësi. Mendoj se Andy është një sfidues i madh dhe do ta tregojë këtë më 1 qershor”.

Andy Ruiz Jr: “Ka shumë dyshues, ka shumë urryes atje, por unë iu them të gjithëve, mos e gjykoni një libër nga kopertina e saj”.

“Dua që njerëzit të më nënvleftësojnë, sepse kur të hyj në ring do t’i befasoj ata”.

Cilat janë shanset dhe kuotat në baste?

Anthony Joshua për të fituar: 1.03

Andy Ruiz Jr për të fituar: 13.00

Barazim: 1.03

Telegrafi do t’ju mbajë të informuar për këtë duel. /Telegrafi/