Kampioni i unifikuar i botës, Anthony Joshua, ka folur edhe njëherë për duelin e mundshëm me Deontay Wilder.
Titulli i WBC-së është i vetmi që i mungon boksierit britanik për t'u shndërruar në kampionin e padiskutueshëm botëror, ndërsa ai rrip i takon boksierit amerikan.
(Foto: Getty Images)
Ka kohë që 32-vjeçari Wilder i ka kërkuar meç Joshuas, mirëpo 28-vjeçari kishte heshtur deri pas fitores ndaj Joseph Parkerit.
Që në ring, pas triumfit, 'AJ' i tha fjalët që Wilder i priste: "Le ta zhvillojmë meçin!".
Deontay Wilder me brezin e tij në WBC (Foto: Getty Images)
Ndërsa pas triumfit të Tony Bellew ndaj David Hayes në O2 Arena, Joshua ka deklaruar se dueli ndaj amerikanit do të ndodhë këtë vit.
(Foto: Getty Images)
"Meçi do të ndodhë, me shumë mundësi 95 për qind këtë vit. Kanë mbetur vetëm disa detaje, jam shumë i interesuar".
"Nuk mund të ma ofroni vetëm një çmim për duelin, dua që ky duel të zhvillohet në potencialin maksimal të tij".
(Foto: Getty Images)
"Jam përgatitur shumë dhe dua që të ndodhë në Mbretërinë e Bashkuar dhe e kundërta, ata e duan në Amerikë, por unë jam shumë i interesuar", ka deklaruar Joshua për Sky Sports Box Office. /Telegrafi/
