Jose Mourinho përforcon mbrojtjen e Fenerbahces me ish-yllin e Ligës Premier

Fenerbahce ka kompletuar një transfeirm të rëndësishëm teksa Jose Mourinho ka shtuar në radhët e tij një lojtar i cili dikur kishte shkëlqyer në Ligën Premier.

Mourinho u rikthye sërish në stol pas shkarkimit të tij nga Roma, duke marrë drejtimin e Fenerbahces.

Kjo do të jetë aventura e tij e parë në Turqi, pasi paraprakisht ka qenë në krye të klubeve në Angli, Spanjë, Itali dhe Portugali.

Para fillimit të sezonit 2024/2025, gjiganti turk ka kompletuar një transferim të rëndësishëm, i cili është aprovuar nga Mourinho sipas ekspertit të transferimeve Fabrizio Romano.

Klubi ka arritur marrëveshje me Atletico Madridin për transferimin e qendërmbrojtësit turk Caglar Soyuncu.

🟡🔵🇹🇷 Çağlar Söyüncü leaves Atlético and joins Fenerbahçe on €8.5m deal after signing for Spanish club for free.

Fenerbahçe complete key signing, also approved by José Mourinho. pic.twitter.com/DtNwhqvOtt

— Fabrizio Romano (@FabrizioRomano) July 1, 2024

Kostoja e transferimit mendohet të jetë e vlefshme rreth 8.5 milionë euro. Soyuncu iu bashkua Atletico Madridit si lojtar i lirë pasi i skadoi kontrata me Leicester Cityn.

Ai kaloi pesë sezone në Ligën Premier, duke bërë plotë 98 paraqitje në elitën e futbollit anglez.

Mbrojtësi turk shijoi një periudhe tek Fenerbahce, pasi kaloi aty pjesën e dytë të sezonit të kaluar në formë huazimi.

Ai kishte luajtur në 16 ndeshje sezonin e kaluar për Fenerbahcen, por Mourinho tani e ka blerë përfundimisht kartonin e tij, me 28-vjeçarin që ka nënshkruar kontratë tri vjeçare./Telegrafi/