Joao Felix: Unë dhe të gjithë lojtarët preferojmë stilin e Barcelonës para atij të Atleticos

Ndeshja e së dielës mes Barcelonës dhe Atletico Madridit do të garantohet të jetë morbide me përballjen e Joao Félix me ish-shokët e tij të skuadrës dhe, veçanërisht, me trajnerin Diego Simeone.

Ylli portugez ka folur për mediumin ESPN në prag të duelit dhe la edhe një herë një ‘mesazh’ për stilin e trajnerit argjentinas.

“Sigurisht që preferoj stilin e Barçës… unë dhe të gjithë lojtarët”, ka rrëfyer fillimisht Felix për ESPN.

“Nëse pyet edhe lojtarët e Atleticos, ata do të preferonin të luanin më shumë kohë në sulm, sigurisht. Dhe nëse nuk përgjigjen, ata gënjejnë”.

Lexo po ashtu Barcelona dëshiron të nënshkruajë me Cancelo dhe Felix në janar, ka gati shumën që do të paguajë për të dy

Lojtari që ende i përket Atleticos e ka bërë edhe një herë të qartë se të luash për Barcelonën është një “ëndërr e realizuar”.

“Është klubi për të cilin kam dashur të luaj që kur kam qenë fëmijë, i kam parë në televizor dhjetë apo pesëmbëdhjetë vitet e fundit”, përfundoi portugezi.

Nesër (e diel) ai do të ketë mundësinë t’i tregojë skuadrës së tij se kanë gabuar duke e lënë të huazohet te një rival direkt. /Telegrafi/