Kandidati për kryeministër nga Lëvizja Vetëvendosje, Albin Kurti së bashku me kandidatët për deputetë nga kjo parti kanë qëndruar sot në Pejë.
Kandidati për deputet i LVV-së nga Peja, Jeton Lajqi ka thënë se Rugova po e mbështet fitoren e Vetëvendosjes.
Sipas Lajqit nuk ka ortek që e ndal fitoren e Lëvizjes Vetëvendosje.
“Krejt Rugova, drejt fitores! Nuk ka ortek që e ndal fitoren e Lëvizjes VETËVENDOSJE! Krejt dhe drejt!”, ka shkruar Lajqi në Facebook.
Jeton Lajqi është ndër kandidatët më aktiv të Vetëvendosjes në këtë fushatë zgjedhore, duke prezantuar programin e LVV-së në çdo cep të Pejës e më gjerë.
