Jerome Boateng i hidhëruar me zyrtarët e Bayern Munichut

Jerome Boateng, futbollisti që fitoi Kupën e Botës 2014 me Gjermaninë dhe tetë vite të kaluara te Bayern Munich, këtë sezon ka luajtur vetëm 91 minuta në Bundesliga dhe në të gjitha garat.

E përditshmja gjermane “Bild” shkruan sot se 30-vjeçar është i zemëruar me menaxhmentin e klubit dhe trajnerin, Niko Kovac.

“Boateng nuk e fsheh zemërimin pas humbjes së vendit të titulluar në gjysmën e dytë të sezonit. Ai veçanërisht është i zemëruar për shkak se klubi me këmbënguljen e trajnerit ndaloi transferimin te PSG-ja”, shkruan gazeta gjermane duke treguar se parisienët kanë ofruar 40 milionë euro.

Revista më tutje ka se qendër mbrojtësi kishte marrë një premtim se do të ishte titullar te kampioni francez.

Kroati muaj më parë kishte deklaruar se çdo futbollist do të duhet të lufton për të siguruar një vend në ekipin e Bayernit.

Lexo po ashtu Të gjitha lajmet rreth bavarezëve

“Lojtarët në stol duhet të jenë të vetëdijshëm se duhet të luftojnë për të fituar vendin e tyre në krye të 11. Askush nuk mund të jetë i sigurt se do të luajë”, kishte thënë strategu.

Kujtojmë se Boateng te bavarezët kaloi nga Manchester City në vitit 2011, ku luajti pothuajse në 300 ndeshje. Me Bayernin fitoi gjithçka që mund të fitohet, gjithsej 16 trofe. /Telegrafi/