“Jennifer ka frymëzuar një grup masiv njerëzish”, Ben Affleck flet për herë të parë dhe bën një deklaratë të rrallë për të dashurën

Ben Affleck ka folur publikisht dhe për herë të parë për të dashurën e tij, Jennifer Lopez, që pas ribashkimit të tyre.

Aktori në një intervistë për Adweek ka rrëfyer për aktoren 52-vjeçare dhe për ndikimin apo ‘efektin e Lopez në botë’.

“Gjithçka që mund të them është se kam parë drejtpërdrejt gra të shumta me ngjyrë që i afrohen Jennifer dhe i tregojnë se është shembulli i një gruaje të fortë, që arrin dhe kërkon gjithmonë në botën e biznesit”, tha 49-vjeçari.

Affleck vazhdoi, “Unë jam i mahnitur për efektin e Jennifer në botë. Më së shumti, si artist, mund të bëj filma që i ndryshojnë njerëzit. Jennifer ka frymëzuar një grup masiv njerëzish që të ndiejnë se kanë një vend në tryezë. Ky është një efekt që pak njerëz kanë pasur gjatë historisë, një që nuk do ta njoh kurrë dhe një që mund të qëndroj pranë dhe ta admiroj me respekt”.

Lexo po ashtu E habitshme: Muaj pasi konfirmuan ribashkimin, Jennifer Lopez dhe Ben Affleck nuk e ndjekin njëri-tjetrin në rrjetet sociale

Pas disa muajsh thashetheme për një ribashkim të Bennifer, aktorja e “Hustlers” më në fund e bëri zyrtare lidhjen në Instagram në korrik, me një fotografi të çiftit duke shkëmbyer puthje.

Që atëherë, dyshja kanë qenë në qendër të vëmendjes me debutimin e bërë në tapetin e kuq në Festivalin e Filmit në Venecia.

Sidoqoftë, Ben dhe Jennifer këto ditë u komentuan në rrjete sociale meqë nuk ndjekin njëri-tjetrin në Instagram. /Telegrafi/