Jeff Hovenier pas konfirmimit si ambasador i SHBA-së në Kosovë: Gjithmonë e dija se do të kthehem

Jeff Hovenier është konfirmuar si Ambasador i Shteteve të Bashkuara të Amerikës në Kosovë.

Presidenti Joe Biden emëroi Hovenier në korrik dhe ai u konfirmua unanimisht nga Senati i SHBA më 18 nëntor.

Është hera e parë që Hovenier shërben si ambasador i SHBA-së.

Përpara se të emërohej në rolin e tij të ri ambasador, Hovenier shërbeu si zëvendës shef i misionit në Ambasadën e SHBA në Ankara, Turqi.

Përveç Kosovës dhe Turqisë, Hovenier ka shërbyer edhe në Gjermani, Kroaci, Greqi, Panama, Paraguaj, Peru, Serbi dhe Mal të Zi.

Ai flet gjermanisht, greqisht, kroatisht dhe spanjisht dhe ka marrë çmime të shumta, duke përfshirë disa nga Qeveria e Kosovës.

“Gjithmonë e dija se do të kthehem”, ka theksuar ai, duke u ndërlidhur ma mandatin që do ta marrë në Kosovë.

Ndër të tjera ai ka treguar se ka angazhuar një murator për të përzgjedhur pikturat të cilat do t’i vendos mureve të shtëpisë dhe ambasadës në Kosovë.

Hovenier luajti një rol në negociatat që përfundimisht çuan në shpalljen e pavarësisë së Kosovës nga Serbia në vitin 2008.

“Ne kemi investuar shumë në Ballkan. Është në interesin e SHBA-së që Kosova të bëhet një vend i qëndrueshëm, i prosperuar demokratik, siç po bëhet”, ka thënë Hovenier.

Ish presidenti i Kosovës, Hashim Thaçi, më 2018 e kishte dekoruar Jeffrey Hovenier, me Medaljen Jubilare Presidenciale të 10-vjetorit të Pavarësisë, për kontributin e dhënë në liri dhe pavarësi të Kosovës./Telegrafi/

Ambassador designate Hovenier recently spoke to his hometown newspaper, “The Bellingham Herald,” about how he’ll play homage to his Washington (state) roots when he soon arrives in Kosovo. Learn more ? https://t.co/PhMdvk2x3e

— U.S. Embassy Pristina (@USEmbPristina) January 4, 2022