Java e Modës Paris Couture do të mbahet në mënyrë virtuale në korrik

Për shkak të pandemisë, Java e Modës Paris Couture do të zhvillohet në internet këtë korrik.

Sipas Vogue, Fédération de la Haute Couture et de la Mode do të jap shfaqje virtuale në një platformë të caktuar, transmeton Telegrafi. Përmbajtja shtesë do të përfshihet në video, së bashku me një program që imiton rrjedhën e një Jave të Modës në jetë reale.

41 markat, përfshirë Iris van Herpen, Versace, Chanel, Valentino dhe më shumë, janë në gjendje të marrin pjesë në javën e ardhshme të Couture digjitale. Sidoqoftë, disa marka në industri kohët e fundit u ristrukturuan dhe ka shumë të ngjarë që nuk do të marrin pjesë, siç është Jean Paul Gaultier i cili kohët e fundit njoftoi se koleksioni i tij Haute Couture do të rihapet në bashkëpunim me Chitose Abe. Givenchy, nga ana tjetër, aktualisht nuk ka një drejtor artistik dhe ka deklaruar se do të njoftojë drejtuesin e saj të ri së shpejti. Kjo do të thotë që prodhimi i linjës së veshjes së markës ka të ngjarë të mbetet në pritje.

Shfaqjet digjitale për Javën e Modës në Paris Haute Couture do të zhvillohen nga 6 deri në 8 korrik, e ndjekur nga Java e Modës së Meshkujve (9 deri në 13 korrik) dhe Java e Modës në Milano, digjitale (14 deri në 17 korrik). /Telegrafi/