Java e dytë e shtatzënisë: Trupi përgatitet për ovulimin dhe momentin më të rëndësishëm kur ngjizet bebja

Nuk jeni shtatzënë as në javën e dytë, por kjo periudhë është vendimtare për ngjizjen e fetusit dhe gjithçka që pason në muajt në vijim

Java e dytë e shtatzënisë – ashtu si e para, ju nuk jeni ende teknikisht shtatzënë.

Ju kujtojmë – java e parë e shtatzënisë llogaritet nga dita e parë e menstruacioneve tuaja të fundit. Pra, nuk keni qenë shtatzënë gjatë asaj periudhe. Gjatë javës së dytë të shtatzënisë, trupi juaj përgatitet për ovulim.

Për të rritur shanset për shtatzëni, është koha t’i kushtoni vëmendje sinjaleve të ovulacionit që trupi juaj ju jep. Mundohuni të jeni sa më intimë me partnerin tuaj, transmeton Telegrafi.

Në fund të kësaj jave duhet të ndodhë ovulacioni. Pasi vezorja liron vezën, ajo mund të mbijetojë për 12 deri në 24 orë.

Siç e dimë spermatozoidet mund të mbijetojnë për rreth 72 ditë në trupin e femrës, ju mund të kryeni marrëdhënie një ose dy ditë para ovulacionit, sepse ato do të mbijetojnë.

Çfarë simptomash mund të përjetoni?

Gjatë kësaj jave, gruaja ndihet shumë mirë. Mund të mos keni asnjë simptomë, por ekziston mundësia që të ndjeni disa ndryshime. Sigurisht, këto nuk janë simptoma të shtatzënisë, por të ovulacionit (mos harroni se nuk jeni ende shtatzënë). Prandaj, sasia e sekretimit ngadalë do të fillojë të rritet. Për shkak të ndryshimit të hormoneve, dëshira juaj seksuale do të jetë në një nivel shumë më të lartë. Përfitoni prej tij!

Disa gra mund të ndjejnë dhimbje në bark gjatë ovulacionit, gjë që nuk është domosdoshmërisht kështu.

Nëse cikli juaj zgjat 28 ditë ose më pak, ju do të ovuloni në fund të kësaj jave. Nëse zgjat më shumë, ovulacioni do të vijë pak më vonë.

Për rezultate më të mira, një pozë ‘misionare’ me partnerin është më e mira. Teorikisht, kjo mënyrë është depërtimi më i mirë.

Lexo po ashtu Java e parë e shtatzënisë: Është koha për planifikim dhe jetë të shëndetshme

Çfarë duhet të bëj?

Edhe pse konceptimi mund të jetë emocionues, ai mund të shoqërohet edhe me një stres të madh, veçanërisht nëse kanë kaluar disa muaj. Është e rëndësishme të kujdeseni për shëndetin tuaj.

Ushqehuni shëndetshëm, ushtroni rregullisht dhe flini mjaftueshëm. Mundohuni të ndiheni mirë mendërisht dhe të shmangni stresin. Në marrëveshje me mjekun përdorni acid folik ose vitamina prenatale, në mënyrë që të keni një shtatzëni të shëndetshme.

Nëse keni parë një test pozitiv, kjo do të thotë se ndoshta jeni tashmë në javën e katërt të shtatzënisë. /Telegrafi/