Jashtë funksionit blloku 1 i “TEC Manastir”

Blloku 1 i TEC Manastir në mëngjes është shkëputur nga rrjeti për shkak të çarjes së tubacionit në kaldajën e makinerisë. Në vijim është inspektimi i cili do të lokalizojë me saktësi anomalitë, pas së cilës sa më shpejtë të jetë e mundur Blloku do të riparohet dhe do të vihet sërish në funksion, njoftuan nga SH.A. EMV.

“Në bllokun 1, një javë më parë u kryen aktivitete servisimi, të cilat fatkeqësisht nuk mund të parashikojnë apo parandalojnë një situatë si kjo e sotmja. Secili nga tre blloqet e TEC Manastir ka një kaldajë të përbërë nga tuba me gjatësi rreth 700 kilometra, të vendosur në nivele të ndryshme, nëpër të cilat kalon avulli me nxehtësi mbi 500 gradë Celsius. Riparimi i dëmit bëhet pasi të krijohen kushtet fizike për intervenim”, sqarojnë nga SH.A. EMV.

Në të njëjtën kohë, ata theksojnë se për shkak të krizës energjetike në të cilën ndodhet vendi dhe nevojës për prodhim të vazhdueshëm dhe të shtuar të energjisë elektrike, rregullimet dhe riparimet e pjesëve të blloqeve bëhen kur të krijohet mundësia, pa rrezikuar stabilitetin e makinerive.