Japonia trondit Gjermaninë duke e mposhtur me përmbysje

Japonia ka fituar me rikthim ndaj Gjermanisë me rezultat 2-1 në ndeshjen e parë të vlefshme për Grupin E në Kampionatin Botëror “Katar 2022”.

Gjermanët ishin duke fituar dhe duke dominuar ndeshjen, por humbën në minutat e fundit përballjen e zhvilluar në Khalifa International Stadium të Dohas.

Pjesa e parë e ndeshjes u karakterizua me dominim të gjermanëve, të cilët përveç rasteve shënuan edhe një gol.

Goli i vetëm në këtë ndeshje u shënua në minutën e 33-të me anë të Ilkay Gundogan, i cili shënoi nga penalltia për 1-0.

Në fakt, Gjermani shënoi edhe në minutën e 44-të me anë të Kai Havertz, por goli u anulua për pozitë jashtë loje.

On top at the break 🙌#GER #FIFAWorldCup #GERJPN 1-0 pic.twitter.com/WYAxvd1lef

— germanfootball_dfb (@DFB_Team_EN) November 23, 2022

Në pjesën e dytë, Japonia befasisht u rikthye ‘egër’ duke luajtur si e barabartë, por arriti të shënoj në fund dy gola për të marrë një fitore të madhe.

Ritsu Doan (75’) ishte ai i cili nga afërsia shënoi golin e barazimit 1-1, ndërsa Takuma Asano (83’) shënoi golin e epërsisë 2-1.

An opening defeat 😧#GER #FIFAWorldCup #GERJPN 1-2 pic.twitter.com/5UVgotdRMn

— germanfootball_dfb (@DFB_Team_EN) November 23, 2022

Deri në fund, Gjermani tentoi ta barazojë rezultatin, por pa sukses, pasi Japonia në fund iu gëzua fitores.

Në ndeshjen e radhës, Gjermania luan ndaj Spanjës, teksa Japonia takohet me Kosta Rikën. /Telegrafi/

https://www.youtube.com/watch?v=jnBbwVBzeN4

https://twitter.com/ElForadeportivo/status/1595426659028508672

https://twitter.com/ElForadeportivo/status/1595428471349682176