Janushev: Ekonomia është shkatërruar, njerëzit presin ndryshime

Sekretari i Përgjithshëm i OBRM-PDUKM-së, Igor Janushev tha se “vazhdojmë me vizitat ‘Rindërtimi i Maqedonisë po vjen’. Sot jemi për vizitë në Dellçevë dhe Kamenicë. Vizituam disa firma, u takuam me qytetarët, kishim disa takime me grupe, por do kemi edhe mbledhje partiake, kuptohet”.

“Ata që duhet të them në të gjitha këto takime, edhe në takimet me njerëzit është pakënaqësia që e shohim nga pushteti aktuale, nga kjo bandë zhvatëse e udhëhequr nga Zaev. Atë që mund ta them është se ekonomistët, biznes-klima, i gjithë sektori ekonomik është shkatërruar”, thotë Janushev, njofton Telegrafi Maqedoni.

Sipas tij, njerëzit presin ndryshime dhe se më në fund të vijë ‘Rindërtimi i Maqedonisë’ ku shteti do të bëhet vend për të jetuar dhe ku secili do të ketë jetë cilësore.

“Ata që e njoftuam, e vazhdojmë edhe gjatë këtyre ditëve. Siç kishit mundësi të shihni janë paralajmëruar investime të mëdha në infrastrukturë. Dy miliardë euro investime në infrastrukturë, autostradë e re që do ta lidhë Shkupin dhe Manastirit përmes Velesit dhe Prilepit. Më shumë se 150 kilometra në rrugë të reja ekspres, dhe nuk do të lëmë rrugë magjistrale që nuk do të sanohet”, tha Janushev.