Janë realizuar mbi 1.200 vlerësime dëmesh, në terren ka mbi 300 makina dhe 1.200 pompa

Janë bërë mbi 1.200 vlerësime të dëmeve të amvisërive, rreth 300 makina dhe 1.200 pompa janë në terren në vendet e përfshira me vërshime në rajonin e Shkupit, ka informuar ministri i Transportit dhe Lidhjeve, Vlado Misajlovski gjatë vizitës së sotme në Straçincë së bashku me kryetarin e OBRM-PDUKM, Nikola Gruevski, transmeton Telegrafi Maqedoni.

Ai ka theksuar se banorët e Straçincës janë mirë të organizuar dhe bashkëpunojnë me operatorët e makinave, duke njoftuar se vetëm për tre ditë tërësisht janë pastruar rrugët.

Në fshat, siç ka theksuar kryetari i bashkësisë lokale Adnan Ajrulla, është formuar shtab i krizës i cili në bazë ditore komunikon me kryetarin e Qytetit të Shkupit dhe kryetarin e komunës së Gazi Babës dhe akordojnë agjendë për ditën e ardhshme çka do të punohet. Agjenda, siç është shprehur ai, plotësohet në tërësi gjatë ditës së ardhshme.

Njëkohësisht, ekipet profesionale kanë konstatuar se diga me sukses se ka përmbajtur motin e ligë dhe përderisa liqeni do të lëshonte do të kishte dëm shumë më të madh në Hasanbeg dhe Stajkovcë, ndërsa kryetari i Gazi Babës, Toni Trajkovski ka paralajmëruar se së shpejti do të fillojë edhe rindërtimi i rrugëve të cilat ishin me pllaka bekatoni./Telegrafi/