“Italianët nuk kanë durim, De Boer si Enrique”

Ronald de Boer i ka dalë në mbrojtje vëllait të tij, Frank, duke e krahasuar atë me Luis Enrique, i cili po ashtu u shkarkua në Itali, pasi italianët nuk kanë durim t’i lënë trajnerët të punojnë.

Inter punësoi Frank de Boerin vetëm dy javë para fillimit të sezonit, pasi me Roberto Mancinin, ndërprerë kontratën e tij me pëlqim të dyanshëm.

Lexo po ashtu Bankina e Interit që po ua sjell fundin shumë trajnerëve që nga koha Mou (Foto)

Ish-trajnerit të Ajaxit i zgjati vetëm 84 ditë puna te Nerazzurët, duke humbur gjysmën e ndeshjeve nga 14 ndeshjet e tij konkurruese në stol, dhe u zëvendësua nga italiani Stefano Pioli.

“Frankut i është dhënë shumë pak kohë për të punuar, por këto janë gjëra që ndodhin në futboll”, ka thënë Ronald për Mundo Deportivo, përcjell Telegrafi.

Lexo po ashtu Ausilio: U detyruam të shkarkojmë de Boerin

“Nuk ka durim që t’i lënë trajnerët për të punuar në Itali. Luis Enrique përjetoi të njëjtën gjë, kam dëgjuar vetëm gjëra të mira kur ai ishte në krye të Romës, por edhe ata nuk kishin durim”, përfundoi ish-futbollisti i Holandës.

Ndryshe, Luis Enrique ka qenë në stolin e Romës për një sezon në 2011-12 dhe pas shkarkimit vazhdoi të ketë sukses të madh te Barcelona. /Telegrafi/