Ismaili për punësimin e motrës në BQK: Ndihem keq që si politikan nuk mund t’i mbrojë kualitetet e saj (Video)

Ministri i Shëndetësisë njëherësh nënkryetar i PDK-së, Uran Ismaili, ka pranuar se motra e tij është punësuar në BQK, por ka mohuar ndikimin e tij në këtë rast.

Ismaili, në “Debat Plus” me Ermal Pandurin në RTV Dukagjini, ka thënës se në Kosovë është krijuar klima se çdo person që punësohet dhe ka lidhje me ndonjë anëtarë nga politika e vë këtë të fundit në pozitë të disfavorshme.

“Si politikan nuk ke më mundësi për të folur për kualitet të individit. Pa marrë parasysh kualitetin e individit ne tashme kemi një problem real – kemi dëmtuar besimin e qytetarëve në procesin e rekrutimit. Ky është një realitet”.

Nënkryetari i PDK-së ka thënë se ai për shkak të situatës së krijuar nuk ndjehet mirë për punësimin e motrës.

“Nuk e ndiej veten mirë sepse, pavarësisht ka pasur apo jo kualitete, si politikan nuk mund ta mbrojë motrën time sepse gjithçka bëhet politike”, tha ajo, përcjell Telegrafi.

Ministri i Shëndetësisë ka thënë se politika duhet të reflektojë dhe të bëj disa ligje të caktuara se kush e ku mund të konkurrojë për punë.

“Nëse nesër një familjar i juaji do të konkurrojë për një vend punë në ndonjë pozicion tjetër, a do të diskriminohet për faktin se është familjar me ju”, tha ndër të tjera Uran Ismali./Telegrafi/