Ishte nisur për në iftar, përfundoi në pranga – agjentët e maskuar amerikanë arrestuan studenten turke

Agjentët e maskuar të Ministrisë së Sigurisë së Brendshme të SHBA-së (DHS) arrestuan shtetasen turke dhe doktoranten në Universitetin Tufts, Rumeysa Ozturk (30), në Massachusetts, pa ndonjë shpjegim paraprak.

Avokatja e saj, Mahsa Khanbabai, deklaroi se autoritetet refuzuan të ofrojnë informacion mbi statusin e saj aktual dhe vendndodhjen.

Ozturk, e cila kishte një vizë të vlefshme studimi F-1, u ndalua në Somerville ndërsa po shkonte për iftar. Një video e arrestimit tregon gjashtë persona të paidentifikuar me fytyrat e mbuluara duke i konfiskuar telefonin dhe i vendosën pranga.

“Ne jemi policia”, dëgjohet në video, ndërsa një kalimtar pyet “Pse po fshehni fytyrat?”

Sipas avokates së saj, Ozturk ishte në një bisedë telefonike me nënën e saj kur agentët e maskuar e ndaluan.

“Ne nuk e dimë ku ndodhet dhe nuk kemi arritur të kontaktojmë me të. Deri tani nuk janë ngritur akuza kundër saj”, tha Khanbabai.

Turkish PhD student Rumeysa Ozturk was detained by masked U.S. ICE agents yesterday while heading to an Iftar dinner in Massachusetts.

Ozturk, who held a valid F-1 visa and studied at Tufts University, was reportedly being watched for two days before her arrest.

She was on the… pic.twitter.com/eL92GyKE3J

— Clash Report (@clashreport) March 26, 2025

Administrata e Universitetit Tufts ka konfirmuar se Ozturk ka qenë studente e tyre, por ka njoftuar se nuk kishte asnjë informacion për arrestimin e saj dhe nuk kishte ndarë të dhëna me autoritetet.

Viza e Ozturk u anulua papritur, pa ndonjë shpjegim. Megjithatë, një zyrtar i lartë i DHS-së më vonë deklaroi se arsyeja e arrestimit të saj ishte “mbështetje për Hamasin”, pa ofruar prova konkrete.

Ozturk ka qenë më parë një nga bashkautorët e një teksti që kërkonte njohjen e “gjenocidit palestinez” dhe tërheqjen e investimeve nga Tufts që ishin të lidhura me Izraelin. Pas publikimit të këtij teksti, emri i saj u shfaq në një listë të kontestuar të Canary Mission, një faqe interneti që shënjon aktivistët pro-palestinezë në SHBA.

Ajo u dërgua në një qendër për deportime në Luiziana. Gjykatësja federale Indira Talwani urdhëroi autoritetet që të mos e transferonin Ozturk jashtë Massachusetts pa një njoftim paraprak prej 48 orësh.

Megjithatë, pavarësisht nga ky ndalim, ICE e transferoi Ozturk në një qendër paraburgimi në Basile, Luiziana, mijëra kilometra larg.

Ndryshe, mijëra u mblodhën në Universitetin Tufts duke bërë thirrje për lirimin e studentes turke. /Telegrafi/

Thousands gathered at Tufts University calling for the release of Turkish PhD student Rumeysa Öztürk.

Human rights observers say she was transferred to the Louisiana Detention Center—despite a court order prohibiting her removal from Massachusetts. https://t.co/E67qU5d0sT pic.twitter.com/6Hy0b6ArjE

— Clash Report (@clashreport) March 27, 2025