Ish-ylli i Liverpoolit mashtroi me mjeshtëri Macronin, presidenti i Francës e faulloi ashpër atë

Presidenti i Francës, Emmanuel Macron mori pjesë në ndeshjen humanitare të futbollit “Pièces jaunes”, e cila u mbajt për financimin e projekteve për të mbështetur fëmijët dhe adoleshentët e shtruar në spital.

Në ndeshjen që u luajt në Plaisir, gjyqtare kryesore e ndeshjes ishte Stephanie Frappart, ku morën pjesë legjenda të futbollit si Didier Deschamps, Didier Drogba, Christian Karembeu dhe Eden Hazard.

Macron shënoi gol nga penalltia në një ndeshje që përfundoi me rezultat 5-2 në favor të skuadrës së tij.

Megjithatë, ajo që “fitoi” në rrjetet sociale ishte lëvizja e ish-lojtarit të Liverpool-it, El-Hadji Diouf kundrejt tij.

Senegalezi bëri disa driblime dhe ia futi topin nën këmbë Macronit, i cili nuk kishte zgjidhje tjetër veçse të faullonte Dioufin.

Nothing to see here, just El-Hadji Diouf nutmegging French president Emmanuel Macron and then getting taken out ?
pic.twitter.com/bMSR3Z1aKa

— Photos of Football (@photosofootball) April 24, 2024

Përveç Liverpoolit, Diouf luajti për Sochaux, Rennes, Lens, Bolton, Sunderland, Blackburn, Rangers dhe Doncaster, Leeds dhe Sabah.

Ai luajti 70 ndeshje për kombëtaren e Senegalit dhe shënoi 24 gola. /Telegrafi/