Ish futbollisti i Arsenalit, Aliadiere: Aubameyang do të shitet për pak para

Ish futbollisti i Arsenalit, Jeremie Aliadiere, ka thënë se Topçinjtë kanë mundësi ta shesin Pierre-Emerick Aubameyangun këtë verë – edhe nëse bëhet fjalë për një shumë jo aq të kënaqshme për klubin.

Sulmuesi nga Gaboni do të futet në vitin e fundit të kontratës së tij me klubin nga Londra dhe diskutimet për një marrëveshje të re nuk janë në rrugën e duhur.

Barcelona, Real Madridi dhe Interi kanë qenë të gjithë të lidhur me golashënuesin më të mirë të Arsenalit, i cili ka shënuar 61 gola në 97 paraqitje.

“Ata duhet ta shesin atë, 100 për qind”.

“Arsenali nuk mund të vazhdojë të humbasë lojtarët falas. Për të qenë i sinqertë, unë ende nuk mund të besoj se kemi një lojtar të madh, kapitenin tonë, që i ka mbetur vetëm edhe një vit në kontratën e tij”.

“Për mua, gjithçka duhet të zgjidhet kur të mbetet edhe dy vjet. Verën e kaluar ai duhej të kishte nënshkruar një marrëveshje të re ose do të ishte shitur. Sepse kur të mbetet një vit, mendja e lojtari ndryshon”.

“Ai do të shitet te Barcelona ose Real Madrid dhe për çfarë? Sa mund të presësh të marrësh për të tani? Asgjë në krahasim me atë që do të kishte marr në verën e kaluar. Ata mund të kishin kërkuar 100 milion funte”,ka thënë Aliadiere.

Ai tutje ka kritikuar Arsenalin edhe për largimin e Aaron Ramseyt, dhe mbajtjen e Alexis Sanchez dhe Mesut Ozil deri në fund të kontratave. /Telegrafi/