Ish-anëtari i labelit Babastars, Albert Krasniqi, u vra ditën e djeshme rreth orës 17:00 nga babai i tij, Skënder Krasniqi, në Prishtinë.
Ismet Krasniqi, familjari i tashmë të ndjerit në një postim të ndarë në rrjete sociale njoftoi se varrimi i tij bëhet sot në orën 15:00.
“Familjarë, miq e dashamirë, ju njoftojmë se varrimi i nipit tim, Albert Krasniqi bëhet sot ne orën 15:00 në varreza të Prishtinës”, ka shkruar ai në Facebook.
Foto: Facebook
Dje (e mërkurë) në rrugën “Ndue Përlleshi” u bë e ditur se mbeti i vdekur ish-pjesëtari i Babastars dhe njëheresh një mik i afërt i estradës shqiptare.
Policia sot njoftoi se në vendin e ngjarjes është gjetur një revole, një karikator, tre gëzhojë dhe një predhë.
Foto: Instagram
Krahas raporteve me artistët shqiptarë, Krasniqi po ashtu ka qenë i martuar me modelen Besa Gashi.
Me këtë të fundit ai kishte një vajzë, nëntë vjeçe, të quajtur Kjara. /Telegrafi/
